Entrevista: minister Cooper
E renovashon di e edifisio monumental di Korte di Hustisia ta drenta den un siguiente etapa. Despues di seis luna di trabounan preparatorio, e proyekto ta bai ta visibel na e lokashon.
Den e últimonan lunanan, a prepará e edifisio kuidadosamente, kitando e agregadonan mas resien ku no ta forma parti di e struktura históriko original. Dor di kita entre otro, plafòn, murayanan di separashon i instalashonnan bieu, a logra hasi e struktura i amplitut original di e edifisio bira visibel atrobe. Ku esaki, a pone un base importante pa e siguiente etapa di renovashon.
Den un video-interview “un logro nobo pa e renovashon di e monumentu Hof van Justitie” minister Charles Cooper ta kompartí ku e permiso pa e siguiente trabounan di sloopwerkzaamheden a wordu entregá oficialmente.
Trabounan di demolishon ta kuminsá
E trabounan di demolishon ta forma e siguiente paso den e proyekto i lo kuminsá na yüli 2026. E trabounan lo wòrdu ehekutá den diferente etapa. Den e promé etapa lo hasi preparashonnan pa pone e tereno apto pa uso di ekipo i materialnan pisá, tratando e strukturanan eksistente ku èkstra kuido i preservando elementonan karakterístiko. Material ku ta wòrdu liberá durante e trabounan lo wòrdu separá, kaminda ta posibel, pa por usa esaki di nobo.
Durante e trabounan di demolishon lo tuma medida pa garantisá seguridat i limitá molèster mas tantu ku ta posibel. Material di demolishon lo wòrdu transportá pa medio di un ruta fiho den direkshon di Schottegatweg, respetando e limitashonnan di tráfiko ku ta na vigor. E kaminda entre Waterfort i e edifisio lo wòrdu será temporalmente pa tráfiko. Peatonnan por hasi uso di un ruta alternativo banda di laman. Pa abastesementu di establesementunan di horeca den besindario lo hasi akuerdonan adishonal kaminda esaki ta nesesario.
Ta spera ku e trabounan lo dura aproksimadamente dos luna, depende di sirkunstansianan. Nos ta konsiente ku e trabounan por tin impakto riba e entorno serkano. E ekipo ku ta tras di e proyekto ta hasi tur esfuerso pa limitá e molestia mas ku ta posibel i ta ehekutá e trabounan di manera mas kuidadoso i efisiente posibel.
Informashon i envolvementu
E ekipo ku ta tras di e proyekto di e renovashon di e edifisio monumental di Korte di Hustisia ta hasi tur esfuerso pa informá tur persona involukrá den e proyekto di manera mas kompleto posibel durante henter e proseso. P’esei, personanan direktamente involukrá a wòrdu invitá pa un reunion ku stakeholdernan riba 15 di yüni 2026. Durante e reunion aki, e arkitektonan ir. Anko van der Woude (IMD) i ir. Lyongo Juliana (lyongo architecture) lo duna splikashon riba e plannan i lo kontestá preguntanan di e presentenan.
Sigui e proyekto
E entrevista aki a wòrdu kondusí pa N.A. Ontwerp Studio i ta forma parti di un serie di kòmbersashon ku ta wòrdu tené na e lugá di e rekonstrukshon, den kua e tema i progreso di e renovashon ta wòrdu spliká. Kada entrevista ta enfoká riba un otro aspekto di e proyekto i ta mustra kon patrimonio, arkitektura i desaroyo urbano ta bini huntu. Den transkurso di aña lo publiká diferente entrevista.
Por haña tur informashon tokante e renovashon riba bos wèpsait. Banda di esei por sigui e proyekto via LinkedIn i Facebook, kaminda lo kompartí desaroyo, entrevista i historianan di fondo.
Entrevista: minister Cooper
E renovashon di e edifisio monumental di Korte di Hustisia ta drenta den un siguiente etapa. Despues di seis luna di trabounan preparatorio, e proyekto ta bai ta visibel na e lokashon.
Den e últimonan lunanan, a prepará e edifisio kuidadosamente, kitando e agregadonan mas resien ku no ta forma parti di e struktura históriko original. Dor di kita entre otro, plafòn, murayanan di separashon i instalashonnan bieu, a logra hasi e struktura i amplitut original di e edifisio bira visibel atrobe. Ku esaki, a pone un base importante pa e siguiente etapa di renovashon.
Den un video-interview “un logro nobo pa e renovashon di e monumentu Hof van Justitie” minister Charles Cooper ta kompartí ku e permiso pa e siguiente trabounan di sloopwerkzaamheden a wordu entregá oficialmente.
Trabounan di demolishon ta kuminsá
E trabounan di demolishon ta forma e siguiente paso den e proyekto i lo kuminsá na yüli 2026. E trabounan lo wòrdu ehekutá den diferente etapa. Den e promé etapa lo hasi preparashonnan pa pone e tereno apto pa uso di ekipo i materialnan pisá, tratando e strukturanan eksistente ku èkstra kuido i preservando elementonan karakterístiko. Material ku ta wòrdu liberá durante e trabounan lo wòrdu separá, kaminda ta posibel, pa por usa esaki di nobo.
Durante e trabounan di demolishon lo tuma medida pa garantisá seguridat i limitá molèster mas tantu ku ta posibel. Material di demolishon lo wòrdu transportá pa medio di un ruta fiho den direkshon di Schottegatweg, respetando e limitashonnan di tráfiko ku ta na vigor. E kaminda entre Waterfort i e edifisio lo wòrdu será temporalmente pa tráfiko. Peatonnan por hasi uso di un ruta alternativo banda di laman. Pa abastesementu di establesementunan di horeca den besindario lo hasi akuerdonan adishonal kaminda esaki ta nesesario.
Ta spera ku e trabounan lo dura aproksimadamente dos luna, depende di sirkunstansianan. Nos ta konsiente ku e trabounan por tin impakto riba e entorno serkano. E ekipo ku ta tras di e proyekto ta hasi tur esfuerso pa limitá e molestia mas ku ta posibel i ta ehekutá e trabounan di manera mas kuidadoso i efisiente posibel.
Informashon i envolvementu
E ekipo ku ta tras di e proyekto di e renovashon di e edifisio monumental di Korte di Hustisia ta hasi tur esfuerso pa informá tur persona involukrá den e proyekto di manera mas kompleto posibel durante henter e proseso. P’esei, personanan direktamente involukrá a wòrdu invitá pa un reunion ku stakeholdernan riba 15 di yüni 2026. Durante e reunion aki, e arkitektonan ir. Anko van der Woude (IMD) i ir. Lyongo Juliana (lyongo architecture) lo duna splikashon riba e plannan i lo kontestá preguntanan di e presentenan.
Sigui e proyekto
E entrevista aki a wòrdu kondusí pa N.A. Ontwerp Studio i ta forma parti di un serie di kòmbersashon ku ta wòrdu tené na e lugá di e rekonstrukshon, den kua e tema i progreso di e renovashon ta wòrdu spliká. Kada entrevista ta enfoká riba un otro aspekto di e proyekto i ta mustra kon patrimonio, arkitektura i desaroyo urbano ta bini huntu. Den transkurso di aña lo publiká diferente entrevista.
Por haña tur informashon tokante e renovashon riba bos wèpsait. Banda di esei por sigui e proyekto via LinkedIn i Facebook, kaminda lo kompartí desaroyo, entrevista i historianan di fondo.
