E siman akí Korte Komun di Hustisia ta kuminsá ku e promé fase di renobashon di e korte na Punda. Den e fase preparatorio akí ta kita tur e elementonan no-históriko ku a agregá den transkurso di añanan na e edifisio. Ta trata aki di por ehèmpel e plafònnan bahá, e skòtnan, mashin pa fria bieu, kanal di airu i waya bieu. Lo kita tur unu unu kuidadosamente.

Meta di e trabounan preparatorio akí ta pa trese e struktura original i espasioso di e edifisio monumental bèk dilanti. Esaki lo forma e base di e siguiente fasenan di e renovashon.

Vishon di e diseño

E renovashon ta un diseño di IMD (ingeniero Anko van der Woude) i lyongo architecture (ingeniero Lyongo Juliana) riba enkargo di e ministerionan di VVRP, Finansas i Hustisia. E diseño ta kombiná respèt pa e karakter monumental ku un vishon dirigí pa futuro: lo transformá e Statèis te un lugá di trabou pa hustisia modèrnu, sigur i duradero.

E struktura nobo i habrí na e banda di Waterfort, ta hasi Punda mas aksesibel i ta dun’é bida. Kreando un pasadiso habrí entre Wilhelminaplein i Waterfort, ta krea un konekshon natural entre e sentro di siudat i laman. Di e manera akí atrobe e edifisio lo forma un parti rekonosibel di e bida diario di Willemstad. Lo mantené e elementonan karakterístiko históriko, manera e trapinan ku ta na Wilhelminaplein, anto nan lo haña un papel nobo den e totalidat. Aworó e bishitante literalmente por kana dor di e edifisio, miéntras rondó di área lo tin mas lugá bèrdè kaminda hende por sinta, topa i gosa di e bida den sentro di siudat. Ku e renovashon ku ta na kaminda, e monumento lo wòrdu restorá kuidadosamente i parsialmente remodelá. Kaminda ta posibel lo mantené elemento original òf lo bolbe usa nan. Un ehèmpel ta ku lo duna e sèl di ántes, u funshon nobo komo espasio tékniko.