Nos ta bini bèk
Djaweps 20 di mart 2025 tabata un dia festivo pa Korte Komun di Hustisia. Durante un seremonia solèm a desvelá un bòrchi ku e teksto “Nos ta bini bèk” riba dje. Hasiendo esaki a anunsiá renovashon i ampliashon di e Korte Komun di Hustisia. históriko na Wilhelminaplein, Punda. Esaki a marka un paso importante den e regreso di Korte na e edifisio ikóniko i monumental ku ta data di 1860.
E desvelo a tuma lugá den presensia di diferente invitado prominente, bou di ken presidente di Korte mr. Mauritsz de Kort, ministro di hustisia Shalten Hato, miembro di e komishon di bibienda di Staten señora Zita Jesus-Leito i e kordinadó di Korte, señor André Steg. Huntu ku tur presente nan tabata testigu di e momento memorabel akí ku ta marka futuro di e edifisio hudisial.
Na kuminsamentu di e siman e proyekto tabatin su lansamentu ofisial. Riba 18 di mart nos a entregá e pèrmit asina yamá Bouw- en Monumentenvergunning. Esei tabata e kuminsamentu simbóliko pa renovashon di e edifisio históriko. Meta di e renovashon ta pa modernisá e edifisio, miéntras ku alabes e ta mantené su karakter históriko. E edifisio renobá no únikamente lo kumpli ku e eksigensianan modèrnu di durabilidat i aksesibilidat, pero tambe lo ta un homenahe na e historia riku di e tribunal di hustisia den e region. Diseño di e renovashon a wòrdu realisá danki na koperashon di e dos ingenieronan Anko van der Woude (IMD) i Lyongo Juliana (lyongo architecture). Huntu nan lo sòru pa e edifisio lo keda funshonal den futuro, anto tambe pa e mantené su karakter monumental.
Nos ta bini bèk
Djaweps 20 di mart 2025 tabata un dia festivo pa Korte Komun di Hustisia. Durante un seremonia solèm a desvelá un bòrchi ku e teksto “Nos ta bini bèk” riba dje. Hasiendo esaki a anunsiá renovashon i ampliashon di e Korte Komun di Hustisia. históriko na Wilhelminaplein, Punda. Esaki a marka un paso importante den e regreso di Korte na e edifisio ikóniko i monumental ku ta data di 1860.
E desvelo a tuma lugá den presensia di diferente invitado prominente, bou di ken presidente di Korte mr. Mauritsz de Kort, ministro di hustisia Shalten Hato, miembro di e komishon di bibienda di Staten señora Zita Jesus-Leito i e kordinadó di Korte, señor André Steg. Huntu ku tur presente nan tabata testigu di e momento memorabel akí ku ta marka futuro di e edifisio hudisial.
Na kuminsamentu di e siman e proyekto tabatin su lansamentu ofisial. Riba 18 di mart nos a entregá e pèrmit asina yamá Bouw- en Monumentenvergunning. Esei tabata e kuminsamentu simbóliko pa renovashon di e edifisio históriko. Meta di e renovashon ta pa modernisá e edifisio, miéntras ku alabes e ta mantené su karakter históriko. E edifisio renobá no únikamente lo kumpli ku e eksigensianan modèrnu di durabilidat i aksesibilidat, pero tambe lo ta un homenahe na e historia riku di e tribunal di hustisia den e region. Diseño di e renovashon a wòrdu realisá danki na koperashon di e dos ingenieronan Anko van der Woude (IMD) i Lyongo Juliana (lyongo architecture). Huntu nan lo sòru pa e edifisio lo keda funshonal den futuro, anto tambe pa e mantené su karakter monumental.
