Korte di Hustisia ta bai Punda bèk
Korte Komun di Hustisia ta bai su lokalidat original bèk, esta Punda. E edifisio históriko ku ta data di 1860 lo pasa den un renovashon riguroso. E regreso akí ta marka no únikamente un homenahe na e pasado riku di Kòrsou, pero tambe ta un paso importante rumbo pa un siudat abitabel i ku lo ta kla pa futuro.
Lo transformá e edifisio ku su karakter monumental respetuosamente te un lugá di trabou modèrnu pa hustisia, miéntras e struktura habrí lo hasi Punda mas aksesibel i atraktivo pa bishitante i pa e siudadanonan.
Konekshon i mehora
E renovashon ta un diseño di IMD (ingeniero Anko van der Woude) i lyongo architecture (ingeniero Lyongo Juliana), riba enkargo di Ministerio di VVRP, Ministerio di Finansas i Ministerio di Hustisia. Pa duna e lugá históriko importante akí un bida nobo, lo restorá e parti monumental original di e edifisio kuidadosamente. Lo mantené e elementonan ku ta korespondé ku e karakter monumental original. Alabes lo remplasá e parti, entretantu antikuá, ku a wòrdu agregá den añanan 80. Na su lugá lo bin tres ala duradero i apto pa futuro. E alanan akí lo ta ku kara pa Waterfort. Esaki lo sòru pa un área mas bibu i aksesibel.
Elementonan históriko manera e famoso 21-trapi, ku ta tira pa Wilhelminaplein, lo wòrdu integrá den e diseño nobo. Aworó e paseante por kana kèiru ‘entre’ e edifisio, ya komo ta bini un konekshon entre Wilhelminaplein i Waterfort. Tambe lo bini áreanan bèrdè kaminda e paseante por sinta i disfrutá di Willemstad. E renobashonnan no únikamente ta sòru pa un mihó konekshon ku nesesidatnan aktual, pero tambe pa un mihó aksesibilidat pa e sentro di siudat i su habitantenan.
Un enrikesimentu pa Willemstad
Miéntras ta mantené e karakter históriko, Korte Komun di Hustisia renová lo ofresé un área laboral pa hustisia ku lo ta efisiente, sigur i kla pa futuro. Aworó e edifisio lo tin áreanan di trabou fléksibel i duradero, ofisinanan modèrnu i un patio bèrdè.
E entradanan separá pa trahadó i bishita lo aportá na seguridat i lo sòru pa un eksperensia ameno pa tur hende ku ta drenta e edifisio.
Ku e renovashon i binida bèk di e Korte Komun di Hustisia na Punda, no únikamente ta duna e edifisio un bida nobo, pero ta pone un paso importante den direkshon di un Kòrsou hustu i un komunidat resiliente. E proyekto ta ofresé un balor agregá duradero pa sentro di siudat, den kua historia i progreso ta inseparabel. Sigun e plannan aktual e trabounan di demolishon i konstrukshon lo tuma lugá na 2026. A kuminsá ku e preparashonnan kaba.
Korte di Hustisia ta bai Punda bèk
Korte Komun di Hustisia ta bai su lokalidat original bèk, esta Punda. E edifisio históriko ku ta data di 1860 lo pasa den un renovashon riguroso. E regreso akí ta marka no únikamente un homenahe na e pasado riku di Kòrsou, pero tambe ta un paso importante rumbo pa un siudat abitabel i ku lo ta kla pa futuro.
Lo transformá e edifisio ku su karakter monumental respetuosamente te un lugá di trabou modèrnu pa hustisia, miéntras e struktura habrí lo hasi Punda mas aksesibel i atraktivo pa bishitante i pa e siudadanonan.
Konekshon i mehora
E renovashon ta un diseño di IMD (ingeniero Anko van der Woude) i lyongo architecture (ingeniero Lyongo Juliana), riba enkargo di Ministerio di VVRP, Ministerio di Finansas i Ministerio di Hustisia. Pa duna e lugá históriko importante akí un bida nobo, lo restorá e parti monumental original di e edifisio kuidadosamente. Lo mantené e elementonan ku ta korespondé ku e karakter monumental original. Alabes lo remplasá e parti, entretantu antikuá, ku a wòrdu agregá den añanan 80. Na su lugá lo bin tres ala duradero i apto pa futuro. E alanan akí lo ta ku kara pa Waterfort. Esaki lo sòru pa un área mas bibu i aksesibel.
Elementonan históriko manera e famoso 21-trapi, ku ta tira pa Wilhelminaplein, lo wòrdu integrá den e diseño nobo. Aworó e paseante por kana kèiru ‘entre’ e edifisio, ya komo ta bini un konekshon entre Wilhelminaplein i Waterfort. Tambe lo bini áreanan bèrdè kaminda e paseante por sinta i disfrutá di Willemstad. E renobashonnan no únikamente ta sòru pa un mihó konekshon ku nesesidatnan aktual, pero tambe pa un mihó aksesibilidat pa e sentro di siudat i su habitantenan.
Un enrikesimentu pa Willemstad
Miéntras ta mantené e karakter históriko, Korte Komun di Hustisia renová lo ofresé un área laboral pa hustisia ku lo ta efisiente, sigur i kla pa futuro. Aworó e edifisio lo tin áreanan di trabou fléksibel i duradero, ofisinanan modèrnu i un patio bèrdè.
E entradanan separá pa trahadó i bishita lo aportá na seguridat i lo sòru pa un eksperensia ameno pa tur hende ku ta drenta e edifisio.
Ku e renovashon i binida bèk di e Korte Komun di Hustisia na Punda, no únikamente ta duna e edifisio un bida nobo, pero ta pone un paso importante den direkshon di un Kòrsou hustu i un komunidat resiliente. E proyekto ta ofresé un balor agregá duradero pa sentro di siudat, den kua historia i progreso ta inseparabel. Sigun e plannan aktual e trabounan di demolishon i konstrukshon lo tuma lugá na 2026. A kuminsá ku e preparashonnan kaba.
