Spesial pa renovashon di e Korte di Hustisia Komun a lansa un wèpsait. Durante e renovashon e plataforma akí ta duna un bista di e proyekto di renovashon, e vishon arkitektóniko i progreso di e trabounan.

Emma Heinhuis ta traha pa lyongo architecture i e ta e spesialista di merkadeo i komunikashon durante e renovashon di e proyekto. Kòrtiku e ta konta algu tokante realisashon di e wèpsait. “Un di e formanan di mas aksesibel pa kompartí informashon awendia, ta pa medio di un wèpsait. Ku e wèpsait akí i na un lugá sentral, nos ke kompartí informashon ku pueblo di Kòrsou en general i tur otro interesado, tokante e renovashon di Korte Komun di Hustisia. Aki nan por haña informashon aktual tokante e desaroyonan di e proyekto. Loke por mira ta forma e base di e proyekto. Tiki tiki ta sigui yena e wèpsait. Komo tim di e proyekto nos ta orguyoso ku e resultado te ku awor. Esaki tambe ta danki na e diseño alegre di e diseñadónan tékniko i di estilo Anna van Oers i Leonie Berkenbosch.”

Renovashon di Korte Komun di Hustisia ta un koperashon entre diferente partido. Pa medio di e wèpsait por mira e desaroyonan bon kla i di manera transparente. Ounke e trabounan di demolishon i konstrukshon lo kuminsá na 2026, próksimo aña kaba lo por haña informashon. Lo kompartí notisia, rekorido i imágen nobo di e proyekto riba e wèpsait.

Ta keda yena e wèpsait durante e fasenan di e rekonstrukshon. Keda na altura i tene e wèpsait den bo bista!